Նազենիի կտրուկ պատասխանը՝ ծերության, չամուսնանալու և երեխաներ չունենալու հարցին

Նազենի Հովհաննիսյանը Instagram-ի իր էջում նոր լուսանկար է հրապարակել, որին հաջորդել է հետևորդներից մեկի քննադատությունը, որը վերաբերում էր նրան, թե ինչու դերասանուհի, հաղորդավարուհին չի մտածում ամուսնանալու և երեխաներ ունենալու մասին: Մեկնաբանությունն արված էր բավական կտրուկ և կոպիտ ձևով.

«Հարգելի Նազենի, Ձեր մտքի ծայրով երբեք չի անցել ամուսնանալ և երեխա ունենալ, որովհետև բոլոր փողերի հետևից չեք հասնի, իսկ ծերությունը սարերի հետևում չէ»:

Նազենի Հովհաննիսյանը պատասխանել է հետևորդին՝ ասելով հետևյալը.

«Հարգելի անծանոթ կին, իսկ Ձեր մտքի ծայրով չի անցե՞լ չանվանել 35 տարեկաններին «ծեր», քանի որ նրանց ամբողջ կյանքը դեռ առջևում է: Իսկ երբեք չի եղել, որ պատահաբար մտածեք, որ ԳՈՒՑԵ ՄԱՐԴՆ ՈՒՆԻ ԼՈՒՐՋ ՊԱՏՃԱՌՆԵՐ չամուսնանալու կամ երեխա չունենալու: Կամ գուցե պարզապես նա չի հրապարակում իր անձնական կյանքը, կամ կարող է երեխաներ ունենալ առանց ամուսնության կամ էլ չի ցանկանում այս քաոսային աշխարհում ավելացնել դժբախտների թիվը… Կամ…կամ»:

Հաղորդավարուհին հավելել է նաև, որ իրեն խոցել է հետևորդի այն միտքը, որ բոլոր փողերի հետևից չի կարող հասնել: Նազենին նշել է, որ ունի երեք ընտանիք և իր աշխատանքն ընդամենը փորձ է այնպես է անել, որ իր ընտանիքի անդամներն ավելի լավ ապագա ունենան: Դերասանուհին նշել է, որ հանուն նրանց պատրաստ է ամեն ինչի:

Be the first to comment on "Նազենիի կտրուկ պատասխանը՝ ծերության, չամուսնանալու և երեխաներ չունենալու հարցին"

Leave a comment

Your email address will not be published.


*


ԴԻՏԵԼ